Невремето во Москва носеше се пред себе - има мртви и повредени
Едно лице загина и 29 се повредени од паднати дрвја и громови за време на силната бура што во текот на изминатата ноќ ги зафати Москва и Московската област, пренесе ТАСС, повикувајќи се на властите.
Претходно денеска градоначалникот на руската престолнина, Сергеј Собјанин, информира дека сите последици од ураганот се надминати и ситуацијата во градот е веќе нормализирана.
Ова беше најсилната бура во Москва од 1998 година, забележа ТАСС.
Повеќе од илјада дрвја беа соборени, над сто автомобила беа оштетени, делници од патиштата беа поплавени, а без струја останаа десетина населби во Московската област.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
