КУРИР: Екс советникот на Оливер Спасовски во украинско сценарио

Очигледно по заминувањето од МВР, Едмонд Адеми во целост се посветува на украинското сценарио од Киев кое што го најави неговиот лидер Зоран Заев.

Овој човек до пред некој ден земаше пари од државата, благодарение на поранешниот технички министер од СДСМ, Оливер Спасовски.  Злоупотребувајќи го договорот од Пржино, без ниту еден ден искуство во безбедноста, Спасовски го ангажираше Едмонд Адеми на висока позиција во МВР, наградувајќи го со околу 1.000 евра плата, пишува Курир.

Адеми, кој е член на Извршниот и Централниот одбор на СДСМ, јавноста го запозна преку неговиот повик на Фејсбук да се лее крв на улиците.

Откако беше награден за ваквите ставови од неговите партиски шефови, продолжи во истата насока. Иако земаше пари од државата, Адеми продолжи да ги промовира партиските политики на СДСМ и да се залага за федерализација и премиер Албанец.