Помалку патници во патниот, повеќе во железничкиот и авионскиот
Во патниот патнички национален и меѓународен превоз во првиот квартал годинава се превезени 1.698.000 патници, во железничкиот 166.000, во градско-приградскиот 19.123.000, а во воздухопловниот превоз 343.541 патник, објави Државниот завод за статистика.
Патниот патнички сообраќај во однос на првиот квартал лани бележи намалување од 18,8 проценти, железничкиот има раст од 6,4 проценти, во градско-приградскиот намалување од 3,3, додека воздухопловниот бележи раст од 28,2 отсто.
Во првите три месеци годинава превезена е стока од 8.152.000 тони. Во споредба со првиот квартал лани количеството на превезената стока во товарниот патен превоз е зголемено за 9,3 отсто, во воздухопловниот пза 35,4 отсто, додека во железничкиот превоз има намалувањето од 21,4 проценти.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
