Пресуда по 27 години: За смртта на 96-те навивачи на „Хилсборо“ виновна е полицијата!

Една од најголемите фудбалски катастрофи која се случила во 1989. година, а во која загинаа 96 навивачи на Ливерпул (и 766 повредени), конечно го доби својот судски епилог. Поротата одлучи дека фудбалските фанови не настрадале во несреќен случај и од својата небрежност во буткањето, туку дека со низа пропусти всушност се - убиени. Во тогашното полуфинале на ФА купот на 15. април 1989. играле Ливерпул и Нотингем Форест на неутралниот стадион „Хилсборо“ во Шефилд, а за големата трагедија - сега е јасно - виновна е полицијата. Одлуката на поротата јавноста и семејствата на загинатите ја поздравија со голем аплауз и спонтано пеење на "You'll never walk alone".