ФОТО: Реки од народ се упатуваат кон собирот на ГДОМ
Голем народен собир во организација на Граѓанското движење за одбрана на Македонија се случува вечерва во Скопје.
Реки од народ се упатуваат пред Собранието каде ќе се одржи овој собир.
Се веат македонски знамиња, се пеат патриотски песни. Ваква беше сликата и на минатите собири на ГДОМ.
-Граѓанското движење за одбрана на Македонија ги повикува сите граѓани без разлика на вера и нација вечерва од 19:00 часот да ни се придружат на големиот собир кој ќе се одржи пред Собранието на Република Македонија. Ги повикуваме сите граѓани на Скопје, сите граѓани на Република Македонија да бидат дел од најмасовниот граѓански собир. Наша обврска и наша задача е да си ја заштитиме нашата земја, со разум, со разбирање и искрено знаење да допринесеме за враќање на патеките на напредок, сигурност, стоеше во објавата на ГДОМ.
Граѓаните вечерва ќе порачаат- ДА за избори на 5-ти јуни и НЕ за деструкциите на СДСМ и Заев.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
