Хорор во зграда, соседите запрепастени: Лежел мртов во својот стан од Божиќ

Вистински хорор се одвивал во Ниш повеќе од еден месец. 60-годишниот П.Т. лежел мртов во својот стан од Божиќ, а за случајот се дознало откако соседите почувствувале грозна миризба во влезот, по што повикале полиција.

Несреќниот маж лежел месец ипол во својот стан лоциран во зграда на улицата "Hajduk Veljka 49".

- Последен пат го видовме нашиот сосед околу Божиќ. Беше постар и знаеше долго да не излегува од дома, особено во зимскиот период, па не помисливме дека му се случило нешто. Од неговиот стан започна да се шири многу лош мирис кој стануваше се појак. Синоќа на еден сосед му се слоши од миризбата, па му тропна на старецот на врата. Откако никој не отвори и немаше никаков глас одвнатре, повикавме полиција, вели соседка од зградата, за српскиот Курир.

Таа раскажува дека со оглед на тоа што вратата била заклучена одвнатре, полицијата во станот морала да влезе на сила, а внатре го затекнала во фаза на распаѓање како лежи на подот, до неговиот кревет.

- Наводно имал повреда на главата, веројатно паднал или се удрил некако па така починал, но засега не се знае ништо, вели соседката.

Полицијата во Ниш го потврди делото. На телото на починатиот нема траги на насилство, па се исклучува можноста дека станува збор за некакво кривично дело, туку најверојатно починал од природна смрт.

Повеќе детали ќе даде обдукцијата.