АНКЕТА: 74% од Македонците се против одложување на изборите
73,7% од граѓаните сметаат дека изборите закажани за 24 април не треба да се одложат, покажува последната анкета на институтот Павел Шатев. Според неа, само 15% од граѓаните сметаат дека е потребно одложување а 11,3% немаат одговор на ова прашање.
55,7% од граѓаните сметаат дека ВМРО-ДПМНЕ е попосветена на исполнувањето на Договорот од Пржино и одржувањето на изборите во Април наспроти 24,8% сметаат дека тоа е СДСМ.
58,3% сметаат дека ВМРО-ДПМНЕ е партијата на која може да и се верува дека ќе ги исполни предизборните ветувања, додека 21% сметаат дека тоа е СДСМ.
Дури 64,1% од граѓаните сметаат дека ВМРО-ДПМНЕ подобро знае како да ја води економијата наспроти 19,9% кои тоа го сметаат за СДСМ.
Огромно мнозинство од 64% граѓани сметаат дека опозицијата има „свои“ медиуми наспроти 22% кои се уверени во спротивното.
Анкетата на Институтот Павел Шатев е спроведена телефонски во периодот помеѓу 10 и 13 јануари 2016 година врз репрезентативен примерок од 1025 гласачи од македонските политички партии.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа