Откупени 8.077 тони тутун - просечната цена 186 денари
Вкупно 8.077.918 килограми тутун се откупени за неполни четири недели. Заклучно со 5 јануари, просечната цена изнесува 186 денари по килограм, што е речиси 70 денари повеќе од ланската 117 денари, соопшти денеска Министерството за земјоделство, шумарство и водостопанство.
Според Државниот инспекторат за земјоделство, исплатата е реализирана со 83,15 отсто или досега се исплатени 1.251.127.080 денари.
Откупот се врши на вкупно 186 ваги на 152 откупни места, а динамиката тече без проблем и согласно договорите меѓу производителите и откупувачите.
Првичните проценки се дека од реколтата 2015 ќе бидат откупени околу 25.000 тони тутун.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
