Со нож прободел наставник среде училница
Наставник од училиште во предградие на Париз утринава е нападнат со нож, при што напаѓачот извикувал - Исламска држава, јавија француксите медиуми.
Нападот е извршен во училница во училиштето во Обервил, каде наставникот бил сам. Напаѓачот при тоа извикал: „Ова е Даеш (кратенка на групата Исламска држава на арпски јазик). Ова е предупредување“
Наставникот бил прободен колкот и во пределот на вратот, но лекарите изјавиле дека тој е вон животна опасност.
Според локалното обвинителство, напаѓачот, кој во моментов е во бегство, влегол невооружен во училницата, каде пронашол нож за хартија и ножици.
Напаѓачот бил облечен како молер и носел ракавици, капа и војнички чизми.
Во тек е полициска акција за пронаоѓање на напаѓачот.
Во Франција се уште е во сила предупредувањето за опасност од терористички напади, кое беше прогласено по нападите во Париз на 13 ноември во кои беа убиени 130 лица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
