Прв пат во историјата на Саудиска Арабија: Еве што им се дозволи на жените

Прв пат во историјата на Саудиска Арабија, жените ќе учествуваат во предизборната кампања на општинските избори, закажани за 12 декември.

На изборите ќе учествуваат 7000 кандидати, а од нив 900 се жени кои ќе се борат за место во еден од 284 општински совети.

„Ќе гласаме за жени, дури и ако за нив не знаеме ништо. Доволо е што се жени, како и ние“, изјавила наставничката хафр ал-Батен.

За Сахара Хасан Насиф, учеството на жените во предизборната кампања е една од првите етапи од борбата за правата на жените во Саудиска Арабија.

Влегувањето на жените на политичката сцена во Саудиска Арабија е важен чекор, бидејќи во таа држава се применува ригорозната верзија на исламот, а во министерствата нема ниту една жена, пренесува агенцијата Франс прес.

Освен тоа, таа држава е единствена земја во светот која на жените им забранува да возат автомобили.