Значително намалување на температурите - снегот во Скопје доаѓа идната недела
Температури меѓу 16 и 18 степени најавуваат метеоролозите за оваа недела. Според прогнозите, ќе се задржи стабилно суво и релативно сончево време но температурите ќе имаат надолен тренд.
Наоблачување се најавува за наредната недела кога ќе има и значително намалување на дневните и утринските температури. Уште во недела се очекуваат првите услови за дожд, а од понеделник се очекуваат локализирани врнежи и намалување на дневните температури до 14 степени. Првите снежни врнежи се очекуваат во четврток кога и температурите значително ќе се намалат, па дневните нема да надминат 7 степени. Слично време ќе се задржи и до крајот на наредната недела.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
