Денеска уживавме во сонцето - погледнете какво време не очекува утре

Времето утре во Македонија ќе биде претежно сончево со мала локална облачност и со слаб ветер од северен правец. По одделни котлини со услови за слаба утринска магла.

Температурата ќе се движи од 17 до 25 степени.

Во Скопје ќе биде сончево со мала локална облачност и со слаб ветер од северен правец.

Температурата ќе достигне до 22 степени.

Продолжува периодот на стабилно и суво време. Малку поизразен ветер ќе има во текот на утрешниот ден особено вдолж Повардарието. Наутро во некои котлини ќе има намалена видливост.

Утринските температури од петок полека ќе опаѓаат, а позначително ќе се спуштат од недела наутро.

Од сабота и дневните температури малку ќе опаднат, но и понатаму ќе се задржи топло време за овој дел од годината.