Американски тинејџер смисли начин за откривање пијани возачи
Оценката дека оние кои возат под дејство на алкохол не го загрозуваат само нивниот живот, туку и на сите други во сообраќајот, го поттикна младиот Американец од индиско потекло Кришна Реди на интересна идеја, чија цел е намалување на бројот на сообраќајни несреќи на патишата.
Имено, реди изуми апарат кој покажува дали возачот е под дејство на алкохол или дрога врз основа на тоа колку неговите очни зеници се проширени.
Реди со оваа замисла е еден од десетте финалисти на натпреварот на Дискавери за млади научници. Освен што би можел да добие награда од 25 илјади долари, тој би можел да спаси и голем број животи.
Зениците се чувствителен дел од окото и реагираат на светлина. При светлина зеницата станува помала, додека потемниот простор се шири. Кога е во прашање алкохолот, зеницата се намалува, додека при користењето на опијати како ЛСД, кокаин и други дроги, зеницата се шири.
Импровизираниот апарат кој тоа го отчитува, младиот научник го направи од три работи - дигитална камера, рачна батерија и ролна тоалетна хартија.
Работата е многу едноставна. Батеријата треба да се доближи до окото, а ролната хартија го насочива зракот директно во зеницата. Камерата го снима сето тоа и едноставно може да се види како зениците се зголемуваат и намалуваат.
Реди смили и посебен софтвер кој ги мери сите промени на зеницата, а се смета дека апаратот може да ги отчитува рефлексите на возачот и на тој начин да влијае на сигурниот сообраќај, пишува „Бизнис Инсајдер“.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа