Арнаудова: Јанева избра млади и стручни обвинители

Специјалната јавна обвинителка Катица Јанева денеска ги избра јавните обвинители кои ќе бидат дел од нејзиниот тим. Според директорката на Академијата за судии и јавни обвинители се работи за млади, стручни кадри.

„Од 14, девет се академци, со оглед дека ја поминале академијата, имаат стручно, теоретско и практично знаење. Млади се, знаат јазици, ги знаат стандардите на европските судови, самоуверени се. Сега да им пожелиме стекнатото знаење од академијата и од краткото практично работење да го покажат на дело на оваа исклучително одговрона должност и да се покажат како вистински независни и непристасни“, изјави директорката на Академијата за судии и јавни обвинители Анета Арнаудова за Press24.