Хорор во Виена: Сајла и ја откинала раката на 42-годишна жена
Тешка несреќа се случила во неделата во рекреативниот центар на подрачјето на Нов Дунав (Neue Donau) во Виена.
Додека се возела на вејкборд, една четириесет и две годишна жителка на Виена остана без рака, откако сајла и ја откинала половина рака. Очевидците велат дека не го виделе самиот момент на несреќата, туку во еден момент ја виделе жената како крвари и и недостасува десната рака под лактот.
Тешко повредената жена од Нов Дунав ја извлекле спасувачи и таа е префрлена во болница. Професинални пожарникари нуркачи по два часа успеале да го пронајдат отсечениот дел од раката. Го ставиле во лед и итно го однеле во болницата, но за жал веќе било доцна. Докторите веќе не можеле да го сошијат делот за раката на жената, која по укажаната помош е надвор од животна опасност.
Вејкборд (wakeboard) е широка скија за вода, налик на скејтборд со која се лизга по површината на водата, а ја влече или моторен чамец, или специјална жичара, како што е случајот во Виена. Полицијата започна истрага за да се утврдат точните причини за несреќата.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа