Се решава деценски проблем во Шуто Оризари
Децениските проблеми со водоснабдувањето на жителите од населбите Шуто Оризари и дел од Скопје Север ќе се решат со изградбата на новиот систем за водоснабдување во општина Шуто Оризари.
Почетокот на градежните работи денеска го означија премиерот Никола Груевски, вицепремиерот и министер за финансии Зоран Ставрески и градоначалникот на Град Скопје Коце Трајановски.
- Вкупната вредност на проектот изнесува околу 182 милиони денари или околу три милиони евра, со што овој проект е меѓу најголемите и највредните во Град Скопје, потенцира Груевски.
Градежните работи се очекува да завршат наесен 2016 година, а на изградбата на новиот водоснабдителен систем во Шуто Оризари ќе работат екипите на градежната компанија „Хидрострој“ ЈСЦ од Бугарија.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
