Најмалку 17 загинати при несреќа на камион со ученици во Перу

Најмалку 17 лица загинаа, а 54 други се повредени денеска кога камион што превезувал ученици и нивни родители и наставници излетал во амбис длабок сто метри во централниот дел на Перу. 

Перуанската полиција соопшти дека меѓу загинатите и повредните има голем број деца.

Учениците заедно со нивните родители и наставници со каминот се враќале во родното место од една прослава во административниот центар на округот Уануко,

Возачот на камионот ја преживеал несреќата и веднаш е одведен на распит во полиција.  

Катастрофалните сообраќајни несреќи се честа појава во Перу. Само во првата половина на минатата година при сообраќајни несреќи загинаа околу 1.400 Перуанци.