Проверете какво време не очекува викендов

Претежно стабилно и топло време со слаб до умерен јужен ветер не очекува во текот на наредните два дена.

Времето денеска ќе биде сончево и топло со мала до умерена облачност. Ќе дува слаб до умерен ветер од јужен, а во  западните делови од југозападен правец.

Утринската температура ќе биде во интервал од 6 до 12,  а дневната од 26 до 32 степена.

Во сабота кон крајот на денот ќе има услови за локален краткотраен дожд, а во недела, особено попладне ќе биде нестабилно со пороен дожд, грмежи и засилен ветер.

Во понеделник и вторник ќе има услови за слаб локален дожд, а дневната температура ќе опадне за неколку степени.