Докторите со натчовечки напори за настраданите од Куманово

Целосна мобилизација на докторите во клиничките болници. Во текот на вчерашниот ден докторите кои биле присутни во Куманово заедно со специјалните единици влегувале да ги санираат повредите на терен.

Дополнително во скопските клиники докторите подготвени ги дочекуваа повредените од Куманово. Тие практично даваат натчовечки напори и се борат за секој живот на полицајците.

Повеќето од нив се на работа по сопствена иницијатива и со над 30 часови ефективна работа се грижат за повредените. На скопските клиники можеа да се забележат најеминентите доктори како работат на санирање на повредите.

Исклучително висока мотивираност може да се забележи кај целиот медицински персонал вклучително медицинскиот технички персонал кој рамо до рамо со докторите асистираа при медицинските интервенции.

Секој повреден полицаец околу себе има мобилна медицинска екипа која врши постојан надзор врз пациентот.