Намалени трошоците за испитување на листерија при увоз на храна
Агенцијата за храна и ветeринарство (АХВ) им излезе во пресрет на операторите со храна и одговори на нивните барања за намалување на трошоците за задолжително испитување на Listeria monocytogenes при увоз.
Новото решение почна да се применува од 8-ми овој месец.
Задолжителното лабораториско испитување на Listeria monocytogenes на пратките од трети земји се врши со претходно групирање на производите по вид, тип на обработка и објект од кој потекнуваат. Мострата за анализа од страна на официјалниот ветеринар или инспекторот за храна се зема од производот кој е количински најмногу застапен.
Според Агенцијата, производите не смеат да се пуштат во промет се до добивање на резултатите од лабораториски испитувања со кои се потврдува нивната безбедност.
- Како одговорна институција за безбедноста на храната и во иднина, Агенцијата за храна и ветеринарство ќе ги следи потребите, барањата и правата на потрошувачите и операторите со храна, со единствена цел – обезбедување безбедна храна преку намалување на административните процедури и финансиските трошоци на сите вклучени во синџирот на безбедноста на храната, наведува АХВ.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа