ВИДЕО: Mистериозна појава над небото

Над едно мало селце на северот од Казахстан е снимен со камера мистериозен облак кој лебдел во воздухот петнаесетина минути, а потоа исчезнал.

Жителите на Шортанди, село околу 70 километри оддалечено од главниот град Астана, сведочеле на чудно случување во петокот попладне.

Андреј Солодовник, професор по физика на казахстанскиот универзитет проценил дека „црниот прстен“ имал дијаметар околу 100 метри и дека лебдел на височина од околу 200 метри до еден километар.

Црни прстени се видени ширум светот. Минатата година, исто така во април, сличен облак се појавил над англиското градче Лемингтон Спа, кој ги интригираше корисниците на социјалните мрежи откако видеото се појави на интернет.