Македонија, Унгарија, Србија, Грција и Турција во Будимпешта ќе се договараат за „Турски поток“
Министрите за надворешни работи на Македонија, Унгарија, Србија, Грција и Турција утре на средба во Будимпешта ќе разгледуваат перспективи за учество во проектот „Турски поток“.
На средбата ќе бидат разменети мислења меѓу петте држави за тоа дали се подготвени да се реализира проектот за нов гасовод „Турски поток“, односно нова траса за снабдување на регионот со природен гас, како алтернатива на „Јужен поток“.
„Турски поток“ е проект на руски „Газпром“ за пренос на гас преку Црно Море до Турција и од таму до турско-грчката граница.
Русија во декември минатата година соопшти дека се откажува од проектот „Јужен поток“ поради „неконструктивна позиција на Европската унија“ и беше одлучено да се гради Турски поток.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
