Администрацијата во општините под контрола на СДСМ под жесток притисок да оди на протестот во Прилеп
Вработените во администрацијата во општините кои се под контрола на најголемата опозициска партија СДСМ и коалицијата, се под жесток притисок да одат на протестот во Прилеп кој е закажан за утре.
Вработени во трите општини каде градоначалници се кадри на СДСМ и опозициската коалиција, Струмица, Куманово и Општина Центар, кои поради притисоците и стравот од губење на работно место сакаа да останат анонимни, сведочат за вербални притисоци и закани со цел да отпатуваат на утрешниот собир кој го организира СДСМ во Прилеп.
Тие биле задолжени покрај нивно задолжително присуство да доведат на протестот и по еден возрасен член од најтесното семејство. Се организирале и автобуси кои се најмени од општините кои се под опозициска контрола.
Според седочењата, најмногу притисоци имало во Струмица бидејќи желбата на раководителите на општината била да се покажат и истакнат пред лидерот на СДСМ и струмички градоначалник Зоран Заев, кој пак целосно им го препуштил работењето во општината поради обврските во Скопје.
Такви притисоци се забележани и во централната скопска општина со која раководи Андреј Жерновски, особено во ЈП Паркинзи на општина Центар (ПОЦ), каде директор е Саша Богдановиќ.
Досега не добивме ниту потврда, ниту демант за ваквите тврдења за притисоци.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа