Голем дефект- без вода околу 2 илјади кавадарчани
Две илјади кавадарчани од неколку улици во градот се без вода за пиење од околу 9 часот утрово поради голем дефект на главната водоводна линија фи-200 на улица „Видое Смилевски”, пренесува МИА.
Се очекува дефектот да биде отстранет до околу 14 часот.
- Интензивно работиме на терен за отстранување на дефектот. Без вода се жители од улиците „Видое Смилевски”, „Орце Николов”, „Ѓорѓи Соколов”, „Блажо Алексов” и булеварот „Македонија”, информираше Марјан Крстевски, одговорно лице техничар во работната единица за водовод и канализација при јавното водостопанско претпријатие „Комуналец” од Кавадарци.
Крстевски информира дека од 9 часот без вода за пиење се и жители од улиците „25 Мај” и „Ѓуро Ѓаковиќ”, поради приклучок на нова водоводна линија. Се очекува приклучувањето на новата линиjа да заврши до околу 13 часот.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
