Ставрески: Позитивните трендови во градежништвото се очекува да продолжат и во наредниот период
Отворен е 12. Меѓународен саем за градежништво, градежни материјали и градежна механизација и 5. Саем за недвижности и инвестиции што од денеска до 7 март се одржува на Скопски саем. Оттаму очекуваат годишното издание на саемот за градежништво и за недвижности да надмине 15.000 посетители.
Градежништвото како гранка е исклучително значајна и според обемот на работа и според бројот на лица што се вработени и според значењето за економијата и за животот на граѓаните. Од тие причини Владата во изминатите години го помога градежништвото и вложува преку капитални инвестиции значителни износи на средства кои помагаат да се создаде работа за домашните градежни фирми, рече Ставрески кој присуствуваше на отварањето.
Министерството за финансии првпат е учесник на Саемот преку проектот „Купи куќа, купи стан“, кој според министерот стана белег дека државата може да помогне во развојот на градежништвото и да го раздвижи пазарот, а што се покажува преку намалување на цената на становите во Скопје на приближно 900 евра од претходно 1.000 евра за метар квадратен.
- Тоа значи дека постигнавме да ги приближиме становите до можностите на граѓаните и нивно учество во проектот кој влијаеше и во насока на намалување на каматните стапки на банките за над 3 проценти што значи помали трошоци за граѓаните и поголема продажба на становите. Сето тоа е во корист на граѓаните бидејќи успеваат да дојдат до сопствен дом, истакна Ставрески.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа