Туристичко-археолошки водич за прекрасно македонско село

Здружението Библиотека Ал-Би од демирхисарското село Бабино најави печатење туристичко-археолошки водич за Демирхисарско, кој ќе го објави со финансиска поддршка на Владата на Република Македонија

Целта на печатењето на водичот е, покрај туристичките потенцијали, да ги претставиме и многубројните археолошки локалитети од различни временски периоди на територијата на општина Демир Хисар, како важен сегмент на туристичката понуда, како и да ги упатиме мислите на археолошката научна јавност кон овој неистражен предел, соопшти Здружението Библиотека АЛ-БИ.