Mогерини: Очекувам позитивен резултат од продолжението на дијалогот Белград-Приштина

Високата претставничка на Европската унија за надворешна политика и безбедност, Федерика Могерини, денеска во Брисел го најави продолжението на дијалогот за нормализација на односите меѓу Белград и Приштина и средбата на српскиот премиер Александар Вучиќ со претседателот на косовската Влада Иса Мустафа.

- Се надевам дека вечерашната средба ќе биде завршена со позитивна оценка, рече Могерини, која истакна дека првиот состанок на Вучиќ и Мустафа ќе биде многу важен, додавајќи дека ЕУ минатата година успешно посредуваше во дијалогот меѓу Белград и Приштина.

Таа изрази уверување дека со нејзиното посредување дијалогот и во иднина ќе биде успешен.

Портпаролката на Могерини, Маја Коцијанчич, во пресрет на велерашната рунда од дијалогот за нормализација на односите меѓу Белград и Приштина изјави дека ЕУ пред се очекува напредок во примената на Бриселскиот договор.