Манчестер Јунајтед во преговори со Де Геа за нов договор

Англискиот премиерлигаш Манчестер Јунајтед и Давид Де Геа, преговараат за продолжување на договорот кои истекува во 2016 година, изјави менаџерот на голманот Жорж Мендеш.

- Во моментов сме во преговори со раководството на Манчестер Јунајтед, за продолжување на соработката. Засега, ништо нема конкретно, ниту потпишано. Преговорите се во тек, изјави менаџерот Мендеш, за шпанското радио „Кадена СЕР“.

Де Геа е еден од најдобрите поединци во редовите на Манчестер Јунајтед сезонава, а за услугите на 24-годишниот Шпанец веќе интерес пројави и Реал Мадрид.

Инаку, Давид Де Геа на „Олд Трафорд“ дојде 2011 година од редовите на Атлетико Мадрид, а досега за „црвените ѓаволи“ има настапено на 118 натпревари.

По доаѓањето на екс чуварот на мрежата на Барселона, Виктор Валдез, кој во јануарскиот преоден рок потпиша договор со Манчестер Јунајтед, англиските и шпанските медиуми честопати пишуваа дека тоа отвора можност за евентуално заминување на Де Геа од Манчестер.