Неделава нов температурен шок

Времето денеска ќе биде променливо облачно и доста студено со повремен слаб снег, особено во западните делови каде повремено снегот ќе биде поинтензивен. Ќе дува умерен до повремено засилен северен ветер. Максималната температура ќе биде во интервал од -3 до 3 степени.

 Во Скопје облачно со повремен слаб снег и со умерен до повремено засилен северен ветер, поизразен на повисоките места. Дневната температура ќе достигне до 2 степени.

До среда ќе ќе продолжи да дува умерен, во текот на денот повремено до засилен северен ветер. Во текот на претпладнето на утрешниот ден снег само ќе провејува во запдните делови од земјата. Потоа следи период на стабилно, студено и суво време. Во текот на неделата утринските температури ќе се задржат ниски и насекаде негативни. Дневните температури од среда благо ќе растат и веќе од четврток ќе имаме насекаде позитивни дневни температури.