Се санираат штетите на патот од Росоман кон Паликура

Се санираат штетите од поројните дождови на патот од Росоман кон росоманското село Паликура, соопшти попладнево Стојанче Лазов, градоначалник на Росоман.

- Поради дождовите дојде до лизгање на околното земјиште на три места при што на патот се испречија поголеми количини земја. Поради тоа беше отежнато движењето на овој дел од општината, информираше Лазов.

Градоначалникот нагласи дека луѓе и механизација активно работат на терен со цел целосно отстранување на земјата од лизгалиштата и овозможување на нормални услови за сообраќај по овој пат.