Фрлени 20 тони сол на скопските булевари и улици

Екипите на зимската служба на Град Скопје синоќа и утрово, по почетокот на врнежите на снег, започнаа со активностите за расчистување на снегот од градските булевари и улици, како и од тротоарите. Во моментов сите булевари и магистрални улици кои се во надлежност на Градот Скопје се проодни.

Изминатата вечер на булеварите и магистрални улици кои се во надлежност на Град Скопје се фрлени 20 тони сол.

Екипите на зимската служба интервенираа на подвозниците и останатите критични точки, а на повисоките места во Скопје снегот се чистеше со механизација со плуг.