Линдзи Вон со рекордна 63.победа во Светскиот куп
Американската скијачка Линдзи Вон денеска беше најбрза во супервелеслаломот возен во Кортина Д’Ампецо, остварувајќи ја 63.победа во Светскиот куп со што го собори 35 години стариот рекорд на Австријката Ана-Мари Мозер Прол.
Американката која вчера го изедначи рекордот, денеска патеката ја извозе со време 1:27.03 минути.
Второто место го освои Ана Фенингер (Австрија) која беше побавна за 85 стотинки, а како трета трката ја заврши Тина Вајрајтер од Лихтенштајн со време 1:27.95.
За Вон ова беше прва Супер-Џи победа сезонава и вкупно четврта.
Оцени ја веста
19.01.2015 - 14:17
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
