Семинар за социјализација на деца со посебни потреби

Фондацијата „Аполонија“ и македонското научно здружение за аутизам, денеска во Гевгелија го спроведоа последниот од низата семинари во рамки на проектот за целосна социјализација на децата со посебни потреби во нивните заедници од југоисточниот регион.

Според организаторите овој семинар послужи за резимирање на сите до сега стекнати знаења, вештини и способности како и оспособување за нивна примена во училиштата.

Последниот семинар во Гевгелија имаше цел да ги информира и обучи наставниците да применуваат визуелни стратегии во работата со децата со посебни потреби со опфаќање на темите за организација на просторот и времето за работа и игра како и адаптација на наставните часови според развојното ниво на децата.

Реализацијата на целиот проект, со 77.000 евра ја финансираше Европската унија преку Европскиот инструмент за демократија и човекови права.