Честитка од Вељаноски по повод Денот на албанската збука
Претседателот на Собранието Трајко Вељаноски на припадниците на албанската етничка заедница во Македонија им го честита утрешниот Ден на албанската азбука.
- Азбуката и писменоста се придобивка, културни особености, но и движечка сила за напредок и придонес на еден народ. Тие се и одлика на цивилизациските постигнувања, израз на верувањата, традициите и заедништво преку кои се гради колективната свест, се наведува во честитката.
Вељаноски истакнува дека Република Македонија е пример за држава која високо ги почитува различностите и продолжува да ги негува толеранцијата и соживотот меѓу сите граѓани.
- Убеден сум дека е потребно заеднички да продолжиме да работиме кон развој и напредок на нашата држава, а со тоа и подобар живот на нашите граѓани и сигурна иднина на генерациите што ќе следат, стои во честитката повпод Денот на албанската азбука.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа