Неделава нема спас од дождот
Времето утре во Македонија ќе биде променливо облачно со повремени локални врнежи од дожд. Ќе дува слаб до умерен ветер од југоисточен правец.
Утринската температура ќе се движи од три до 11, а дневната од 13 до 17 степени.
Во Скопје утре слично време, претежно облачно со слаба магла. Во вечерните часови ќе има услови за слаб дожд. Ќе дува слаб до умерен ветер од југоисточен правец. Утринската температура ќе се спушти до 11, а дневната ќе се искачи до 15 степени.
Во четврток и петок претпладне ќе се задржи претежно облачно време со врнежи од дожд кои ќе бидат повеќе застапени во четврток. Температурите ќе бидат без позначителна промена.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
