Луј Витон е највреден луксузен бренд во светот

Највреден луксузен бренд во светот моментно е „Луј Витон“, кој покрај модните артикли продава и алкохол и накит. Неговата вредност се проценува на 23,6 милијарди долари, покажуваат податоците на консултациската фирма „Интербренд“, што ги објави Forbes.com.

Вредноста на втората највредна марка „Гучи“ е за повеќе од 14 милијарди долари пониска и е проценета на 9,45 миијарди долари. По нив следат „Ерме“ (Hermes)   со вредност од 6,18 милијарди долари, „Картие“ (5,5) и „Тифани“ (5,16), „Барбери“ (4,34), „Прада (4,27) и „Ралф Лорен“ (4,04 милијарди долари).

Повеќето од најскапите брендови произведуваат и продаваат модна облека и додатоци. И покрај тоа што се повеќе луѓе штедат, за чанта со логото на „Луј Витон“ или за накит „Картие“ и понатаму има големо интересирање.

Годинава прометот на производителите на луксузна стока би можел да се зголеми за 4 до 5 отсто, предвидува консултациската компанија  Bain&Company.