Енди Ли: Активно ги разгледуваме можностите за инвестирање во Македонија
Извршниот директор на компанијата „Алорика“, Енди Ли, компанија која се занимава со аутсортинг и консалтинг услуги која воедно вработува над 16.000 луѓе во светот, активно ги разгледува можностите за инвестирање и е во процес на планирање на конкретна соработка.
Тој по бизнис форумот во Лос Анџелес изјави дека како компанија работат во многу држави во светот, и она што имале можност да го слушнат од бизнис форумот е дека човек може да биде задоволен од водењето бизнис во Македонија.
-Македонија има високо образована работна сила и е многу посветена на привлекување на инвеститори, и Влада која го поддржува бизнисот што од моја перспектива укажува на тоа дека има се што ни е потребно да бидеме успешни, при што со нетрпение очекуваме да дојдеме и да научиме повеќе. Ние ќе ја посетуваме Македонија во наредните три месеци за да направиме детални анализи за можноста да отпочнеме бизнис во државата, изјави извршниот директор Енди Ли.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа