Шкендија предадена на дисциплинска комисија за лоша организација за натпреварот со Металург
Комисијата за натпревари на денешниот состанок донесе заклучок за натпреварот меѓу Шкендија и Металург одигран на 29 октомври од 13.коло од Првата македонска фудбалска лига.
Клубот домаќин на натпреварот, односно Шкендија, се предава на дисциплинската комисија на ФФМ за слаба организација, недолично и неспортско однесување на навивачката група на Шкендија.
- Фудбалската федерација на Македонија категорично стои на ставот дека ќе се спротивстави на говорот на омраза и национализам, на вандализмот и нетолерантноста за што ќе бидат превземени сите мерки во насока на подобрување на фудбалскиот амбиент. Фудбалската федерација на Македонија со превземените активности пред натпреварите и со одлуките на надлежните комисии во федерацијата се надоврзува на платформата на УЕФА и ФИФА за почитување на играта во сите нејзини сегменти, стои во соопштението објавено на сајтот на ФФМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа