Жена монструм уби еден и рани двајца ученици во Чешка
Една 26-годишна жена во напад со нож уби еден, а повреди две ученички во Економско училиште во Ждар над Сазава, во централноисточниот дел на Чешка, јави дописникот на МИА од Прага.
Повреден е и еден од полицајците кои интервенирале.
Според полицијата, нападот бил извршен рано изутрината, кога жената прво нападнала една ученичка, на која се обидело да и помогне едно 16-годишно момче, кого осомничената го избодела до смрт.
Потоа нападнала уште една ученичка.
Двете повредени ученички, од кои едната потешко, се наоѓаат на болничко лекување.
Жената е задржена од полицијата, а мотивот за нападот засега е непознат.
Во зградата на училиштето се влегува со специјални чипови и се претпоставува дека напаѓачката влегла незабележано со останатите ученици.
Министерот за образование, Марцел Хладек изјави дека веднаш ќе биде контролирано обезбедувањето на училишната зграда.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа