Ѓоковиќ полуфиналист во Шангај
Најдобриот светски тенисер Новак Ѓоковиќ (Србија) се пласира во полуфиналето на Мастерс турнирот во Шангај, Кина. За нешто повеќе од еден и пол час игра Ѓоковиќ го совлада Шпанецот Давид Ферер со 2-0, по сетови 6:4 и 6:2.
Уште на стартот Србинот направи брејк, а до крајот на првиот сет беше сигурен на свој сервис и рутинирано поведе со 1:0.
Во вториот сет Ѓоковиќ беше уште поубедлив дозволувајќи му на противникот само два гема.
За пласман во финалето првиот светски рекет ќе се бори со победникот од мечот Рожер Федерер (Швајцарија) – Жилиен Бенето (Франција).
10.10.2014 - 15:57
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа