ВИДЕО: Неколку пожари беснеат во Калифорнија
Неколку пожари избија викендов во Калифорнија како последица на големите горештини што го зафатија овој регион. Неколку илјади луѓе се евакуирани од област близу националниот парк Јосемити.
За само неколку часа пламените јазици проголтаа 122 хектари. Ниту еден од пожарите не е локализиран, соопштија локалните власти.
Огнот, со кој се борат 400 пожарникари, веќе уништи или оштети десетина објекти, а евакуирани се 1.000 лица од околу 400 куќи.
-Во останатите делови на Калифорнија е прогласено црвено ниво на предупредување, сооштуваат од канцеларијата на гувернерот на Калифорнија, Џери Браун.
Температурите во централниот дел достигнале речиси 40 степени за време на изминатиот викенд.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
