Петнаесет илјади земјоделци добија 440,4 милиони денари субвенции од државата
Министерството за финансии денеска исплати 440,4 милиони денари субвенции на 15.469 земјоделци по повеќе основи.
За произведено и продадено, кравјо, овчо и козјо млеко исплатени се 271,5 милиони денари на 14.498 сточари, при што висината на поддршката изнесува 3,5 денари по литар.
За поддршка на сточарството исплатени се и 168,9 милиони денари на 971 сточар за обележани грла овци. Висината на поддршката за обележани грла овци изнесува 1.000 денари по грло.
Владата на Република Македонија и Министерството за финансии, како што се истакнува во соопштението, продолжуваат со поддршка на земјоделството преку исплата на субвенции за стимулирање на оваа носечка економска гранка.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
