Циклонот Симеон ја зафати Хрватска
Изминатата ноќ и денеска претпладне Хрватска беше зафатена од поројни дождови и грмотевици, а во повеќе населби беа поплавени приземја, подвозници, улици и патишта, пренесе Танјуг.
Во главниот град Загреб лошото време предизвика проблеми во движењето по поплавените улици, а некои трамвајски линии беа во прекин заради стебла од дрвја што паднале на шините.
Спасувачките екипи ја испумпуваат водата од сутерените на поплавените згради, ги чистат затнатите одводни канали и ги отстрануваат паднатите гранки.
Освен во Загреб поројни дождови до 50 литра на квадратен метар паѓаа и по јадранското крајбрежје, а до крајот на денот се очекува врнежите да ја зафатат целата територија на Хрватска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
