"Да бевме со неа ќе беше жива" - што се случувало ноќта кога беше убиена Тијана?

Другарите на Тијана кои постојано се дружеле со неа се сеуште скршени од болка по трагедијата која го потресе целиот регион. 15-годишниот Стефан Л. и 15-годишниот Лука И. велат дека никогаш претходно во животот не го виделе убиецот на Тијана. 

- Не се сеќавам дека некогаш некаде сум го видел. Навистина ми е криво. Да ја испратев Тијана можеби се уште ќе беше жива, вели нејзиниот другар за Курир.рс.

Стефан пред судиите вчера објаснил што се случило кобната ноќ пред да биде убиена Тијана.

- Тргнав со мојата другарка Милица дома кога притрча Тијана. Одевме заедно, а потоа рече: - Леле, морам да му го вратам дуксерот на Лука. И реков дека ќе ја испратам но ми рече Не,не,не, одете...настојуваше да оди сама, вели другарпт скршен од болка.

Потоа, истата ноќ, тој ја испратил Милица до дома, а потоа му се јавил на Лука да го праша дали се нашол со Тијана, но тој му рекол дека не дошла на договореното место. И ѕвонеле и праќале пораки но не се јавувала. Тогаш сфатиле дека сигурно се случило нешто лошо.