Ѓоковиќ загуби од Цонга на Мастерс турнирот во Торонто

Светскиот рекет број еден Новак Ѓоковиќ синоќа претрпе неочекуван пораз од Французинот Жо – Вилфред Цонга во мечот од 3.коло на Мастерс турнирот 1000 во Торонто.

Цонга ги доби двата сета со 6:2 во гемови и ова за него беше само шеста победа против Ѓоковиќ, а има вкупно 18 порази во меѓусебните дуели. По освојувањето на Вимблдон за Ѓоковиќ ова беше прв настап на турнир и во победата во претходно коло над Гаел Монфис покажа дека неговата форма не е на потребното ниво.

Турнирот заврши и за четвртиот светски рекет Стан Вавринка, кој загуби од Кевин Андерсон со 2:0 во сетови. Третото коло беше последно и за Томаш Бердих, кој загуби од Фелицијано Лопез со 2:1.

Пласман во четвртфиналето избори Енди Мареј без борба, додека Григор Димитров го победи Томи Робредо, а Давид Ферер го совлада Иван Додиќ. Во следната рунда последен се пласира Рожер Федерер со триумфот над Марин Чилиќ со 2:1 во сетови.

На женскиот турнир што се игра во Монтреал заврши настапот за Марија Шарапова која загуби од Суарез Наваро со 2:1, а со истиот резултат Јелена Јанковиќ беше поразена од Коко Вандервеге. Другите фаворитки изборија пласман во следната рунда (четвртфинале).