Најмалку 40 загинати при израелски напад во Газа

Најмалку 40 Палестинци загинаа, а околу 380 се ранети денеска при израелски воздушен напад врз населбата Шаџаја во источниот дел на градот Газа, соопштија палестински извори.

Портпаролот на палестинското Министретво за здравство Ашраф ал Кудра информира дека од под урнатините на зградите во Шаџаја досега се извлечени телата на околу 40 загинати.

Меѓу нив се и еден медицински техничар и еден снимател на локално студио за документрани филмови. Тие загинале додека снимателот снимал документарец за медицинскиот техничар.

Кудра информира и дека при нападот Шаџија ја напуштиле околу 1.000 лица, бегајќи пред налетите на израелските бомби.

Во поседниве два дена Шаџија беше изложена на засилени израелски напади.