Јолевски работно во Вашингтон
Македонскиот министер за одбрана, Зоран Јолевски денеска во Пентагон, Вашингтон, ќе се сретне со помошникот на секретарот за одбрана на САД, Дерек Колет, кој е задолжен за меѓународни безбедносни работи.
Како што информира Министерството за одбрана, за време на средбата ќе се разговара и за одбранбената соработка меѓу Република Македонија и САД, како и за идниот ангажман на Армијата на Република Македонија во новата мисија во Авганистан „Одлучна поддршка“.
Претходно, министерот Јолевски ќе оствари средба и со конгресменот Мајк Конавеј, член на Комитетите за одбрана и разузнавање каде ќе се разговара за влезот на Македонија во НАТО.
Јолевски ќе има и работен ручек со 20-тина претставници на Белата куќа, Пентагон, Стејт Департманот, како и повеќе институти кои прават анализи за светската безбедносна ситуација и улогата на НАТО.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
