ВИДЕО: Две лица плукале во бистата на Скендербег - уапсени по ова видео
Двајца косовски исламисти биле уапсени во Kачаник под сомневање дека пред три дена ја осквернавиле бистата на Ѓерѓ Kастриот - Скендер-бег во центарот на градот. Kосовската полиција ги уапсила осомничените откако ги препознала на видеоснимка од сквернавењето, која ја поставиле на интернет-каналот „Јутјуб“, пренесува Дневник.
Kосовските медиуми јавуваат дека полицијата ги уапсила Арбен Бериша(37) и Јетон Вербани(40) од Kачаник откако ги препознала на снимката што самите ја направиле. На снимката, Бериша ја удира бистата, а Верани е снимателот. Двајцата ќе бидат пријавени за поттикнување верска омраза и национална нетрпеливост“, а по барање на обвинител одредена им е мерка притвор.
Бериша и Вербани, според медиумите, се членови на нерегистрираната организација Исламска младина - Kачаник. Водач, или емир, на организацијата е извесен Лавдерим Мухаџери од Kачаник, водач на албанските џихадисти во Сирија. Негов заменик е Илир Бериша, кој минатата недела беше уапсен за тероризам.
Медиумите го посочуваат Kачаник и Генерал Јанковиќ како жариште на џихадистите, под силно влијание на екстремни имами од Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа