Поранешниот македонски премиер Никола Груевски се огласи на Фејсбук и објави дел од негов есеј, на тема „Историјата на идеите за Балканска КонФедерација”.
-На балканот долго низ историјата се говореше за создавање балкански сојуз во форма на федерација или конфедерација, заради повеќе цели и мотиви, но тоа никогаш не се случи.
Наместо тоа се случуваа освојувачки војни и многу ѕверства во нив, асимилации и многу терор, од каде произлезе голема недоверба меѓу земјите на Балканот присутна и денес.
Голем дел од македонските политички лидери, револуционери и интелектуалци добивањето автономија и државност на Македонија го гледаа преку некаква форма на балкански сојуз. На крајот така и се случи со формирањето на југословенската федерација како делумен балкански сојуз, каде дел од геогравската област Македонија, а не цела како што многумина планираа и очекуваа стана дел од неа.
Денес целта на сите балкански земји е ЕУ. Дел од балканските земји ја реализираа, дел се во процес.
Но, идејата за балкански сојузи колку и да е надвор од фокусот, иако изгледа далечна имајќи ја во предвид жестината на повеќе национализми, во различни форми и ситуации во иднината не е мртва, независно дали внатре во ЕУ или надвор од неа.
Неодмана беше годишницата од смртта на Георги Димитров, кој заедно со Јосип Броз во периодот по 1946 година иако не успееја, сепак стигнаа најдалеку во реализација на една таква идеја. Таа идеја и почетокот на нејзината реализација создаде силен политички потрес од кој произлегоа многу возбудливи историски настани, значајни за Македонците, напиша Груевски.