Денес во ОУ „Димо Хаџи Димов“ е прогласена вонредна ситуација. Многу деца од пониските одделенија имаат симптоми на повраќање (околу 80 деца). Ретко се јавуваат случаи и кај ученици од повисоките одделенија, па дури и кај наставнички, стои во ФБ објавата на Независни за Карпош.
Сè уште нема информација за причината – дали станува збор за вирус, труење од храна или евентуално труење од вода. Во моментов на терен се екипи од Водовод и од Санитарно-здравствени инспекции и се земаат примероци.
До официјален став ќе помине време, бидејќи се чекаат резултатите од анализите. Од училиштето велат дека ќе постапат според насоките на ИЈЗ. Засега наставата е планирана да се одвива нормално.
Родителите сами одлучуваат дали ќе ги пуштат децата на училиште додека се чекаат официјалните резултати, стои во нивната објава на ФБ.